Béste Moeëre, Moeërinne en anger aanwezige, 

Ich, prins Jack I, 60e  prins vanne moerebuuk, gebore en getoge in ELL,

Zoon van Piet van susse Bér en Lies van greëte Piërre,

Getrouwd met mien prinses Miranda,

Vader van twieë zone nl. Jarno & Milan,

Woeënendj aanne  Magnoliastraot in Ell,

Bewoeëner vanne buurt Hoverwei,

Biegestaon door 3 fantastische adjudante Ruud, Frank en Evert,

same mét heur dames Anita,Judie en Tiny,

In ’t dagelijks  leave bin ich chauffeur/straoller bie straolbedrief gebr. Cuijpers in Weert,

Lid bin van de Raod van Elf en Stichting Spook,

In ’t prinsenwagen comité zit, same mit mien adjudante,

Vaste ober bin vanne Raod van Elf en de Keppel as die dorst hubbe,

Leefhubber van ein good glaas beer en sjeele zeiver, 

Ich wins uch allemaol,groeët en klein, eine geweldige en straollendevastelaovestieëd toe.

Verklaor bie de gratie vanne Vorst en de Raod van Elf ’t volgendje;

det ich same mét mien prinses Miranda, mien adjudante Ruud, Frank, Evert

en heur dames deze vastelaovend veurop zulle gaon.

det we hie same veur zulle gaon mit bieno 150 jaor vastelaovend ervaring bie de Raod van Elf.

det we dét neet allein daon mer same mét de hieële Raod van Elf ,

jeugdprins Bram , jeugdprinses Marloes en de jeugdraod.

det we vanaaf Prinsebal tot Aswoonsdig veur uch klaor staon.

det we dit gear wille doon mét zoeëveul wie meugelijk live blaosmuziek.

det bie mien afwezigheid as ober,

eemes anges van de Raod van Elf veur de drank mót zurge.

det ich do belangeloos mien bonnebeukskes beschikbaar veur stel,

zoedet we geinne dorst hove te lieje.

Det ich mét dees daag zal regere inne

Orde van ’t STRAOLMENKE

En dit alles ónger mien motto:

Effe gein déénblaad en spuit,

wae gaon door tot ICH fluit !!