JEUGDPRINS MAX EN JEUGDPRINSES GEERTJE

Ich, jeugdprins Max, 11 jaor geleje gebore as 2e zoon van de 55e prins vanne Moerebuuk Fer I (van Linje) en aod jeugdprinses Angelique Didderen vanne Puinesjödders, twieëlingbroor van Ruud en groeëte broor van Eefje.

En ich, jeugdprinses Geertje, bienao 12 jaor geleje gebore as 1e dochter van Eric van Thieu van Brunister en Adèle van Truus van Toeëme Pieër, twieëlingzus van Lieke.

Laote uch bie de gratie vanne jeugdraod van 11 ’t volgendje wete:

1. Det wae jeugdprins en jeugdpinses wille zeen veur ederein,

jónk, aod, erm, riek, groeët en klein.

2. Mèt ós buurte Kunnekoel en Hoverwei as vastelaovesoord,

liktj 't accent dit jaor op Èll Noord.

3. Mèt adjudante Jasper en Nikki,

weurdj ’t deze vastelaovendj zeker dikke mikkie.

4. Wae lègge ózze DS efkes ane kantj,

veur de vastelaovendj in ’t Moerelandj.

5. Ich, prinses Geertje, voetbal neet allein bue de D1 van RKESV

met onnog mèt allein maedjes bie de KNVB.

6. Ich, prins Max, voetbal meistal mèt gepastj geweldj,

bie de D2 van RKESV op ’t middeveldj.

7. Ómdet ich allein aan voetballe nog neet genóg höb,

bin ich, prinses Geertje, onnog bie de volleyclub.

8. Al bin ich, prins Max, bepaoldj neet vèt,

toch mep ich mèt good waer bie de tennisclub meinig belke euver ’t nèt.

9. Van muziek make weurs se neet stóm,

daoróm houw ich, prinses Geertje, bie de jeugdfanfaar oppe tróm.

10. En ich, prins Max,

speul bie diezelfdje jeugdfanfaar al ein jaor oppe sax.

11. Gein femilie, mer allebei toch van eine mieërling,

daoróm stelle wae de orde in van de halve twieëling.

En dit alles verklaore wae ónger ós motto:

TWIEË HALVE MEUKTJ NOG GEINE HIEËLE