JEUGDPRINS COEN & JEUGDPRINSES JANNE

Wae ’t jeugdprinsepaar van 2012

Stelle ós aan uch veur, mer kalle neet euver ós zellef.

Naeve mich steit jeugdprins Coen

Naeve mich steit jeugdprinses Janne

En wae make d’r dit jaor same get vanne!

Janne is van Carla van Jan en Annie van Vosse

Coen is eine zoon van Henrie van Tjeu en Zus van de Zweeloeere

Wae hubbe allebei eine aojer as Heijkers gebore

Coen zien mooder, Daniëlle is vanne Slegters-tak

Janne heur vader Ed is van Brunister-kantj

Dus van wieëdhaer zeen wae femilie, ver in ut Moeerelandj.

Janne heet ein zus Leonne

en Coen heet ein breurke Bram

en bie os allebei is der eine Stef geneumdj door Pap en Mam.

Coen is de aodste van ut stel

Janne daoentege is de jongste van die drie

En op zaoterdig aete we ut leefste balkebrie.

Coen is sportief want dae duit aan thaibokse en tennisse.

Janne speultj piano, danstj en volleybaltj al get langer

En ós adjudante die woeëne tegeneuver deindanger

Janne heur steun en toeverlaot is Rachel

En Coen heet Jorn as zien rechterhandj

Met zien 4-e make wae d’r ein fieëst van in ós Moeërelandj!!

Mer det doon wae neet allein, dus rope wae eederein oppe bein!!

Wae laote alle Moeëre en Moeërinne wete det:

Wae d’r mèt zien alle eine super sjoene Vastelaovendj van gaon maake

Wae met dees daag alle sjooelse verplichtinge zulle staake

Wae in jeugdprins Bram en jeugdprinses Marloes ein hieël good veurbieëldj hubbe gehadj in 2011

Wae hope det wae ut minstes zooe good zulle doon in 2012

Wae same mèt de jeugdraod gaon knalle,

Dao zultj gae maondje later nog euver kalle

As de muziek klinktj wille we neet det d’r auch mer eemes stilsteit, dao kintj gae neet naeve

Want wae zulle ós deze Vastelaovendj hieëlemaol gaeve!

Wae stèlle in veu eeder Moerebuukske

de orde van het Kruukske

En det allemoal onger ós motto:

Mèt Coen en Janne is deze

 vastelaovendj in kroeke en kanne