De leedjesaovendj vanne Moerebuuk sezoen 2011-2012 is gewónne door Bram & Rick mèt heur nummer "Spektakel". De twieëdje plaats waas veur Ron van Roy mèt zien nummer "Zaate sjöp" en de derdje plaats waas veur Des Neet Verkieërdj mèt het leedje "'T laeve is good, mèt beer in dien blood". De aovendj waerdje aaneingekaldj door Witte vanne Sjilder en muzikaal ómlieëstj door De Koalderbend.

Op 10 december zulle Bram & Rick de Moerebuuk vertegewoordige op 't Midde Limburgs Leedjesfestival in Maasneel. Wae winse Bram en Rick hieël veul succes toe.

Oppe leedjesaovendj waas ouch ein optraeje van de GiebEll Geiten. Dees maedjes gaon mèt heur nummer "Vastelaoves-sprookje" de Moerebuuk vertegenwoordige op het Kinjer Vastelaoves Leedjesfestival (2e veurronje) in de Postkoets in Häör op 27 november. Wae winse de GiebEll Geiten hieël veul succes toe.