Inne Eller cafés en inne kantine vanne voetbalclub staon weer de bösse opgestèldj veur het prins raoje. Dit jaor geit het get anges als veurgaondje jaore. Het prins raoje is goodkouper gewoore, gae kintj noe 5 namen invulle veur eine euro.

De prinse-bösse waere regelmatig leeggemaaktj en de standj van zaken weurd hiej oppe site biegehaoje. Dus gae kintj noe eeder moment zeen welke namen veul genûmdj waere mèt het prins raoje. Det bringtj uch missjien ouch op ideeje.

Gae kintj de standj van zake terökvinje door te klikke op de optie Prins raoje ónger het köpke Prinseparen.

Wae winse uch veul succes bie het raoje vanne gooje prins!