Groeëte Optocht

Vastelaovendj is bie oetstek ‘t fieëst van zotheid, spot en oetbundigheid en det kumtj nörges baeter tot oeting tiejes de optochte!

In Èll waere twieë optochte gehaoje, namelik de groeëte optocht op de maondjig nao ‘t vastelaovesweekend en eine kinjeroptocht op de aansloetendje dinsdig.

Allebei de optochte zeen ‘n stoet van ludieke loupgroepe, groeëte en kleinere fantasierieke wages en creatieve éín- en twieëlinge veuroetgegange door de fanfaar.
In de optocht loupe deilnummers mèt oet Èll mer ouch de ómliggendje dörpe zeen eder jaor weer good vertegenwoordigdj mèt meistal mieër as ein groep.

Nao aafloup is d’r op de maondjigaovendj ein grandioos fieëst in de BMV van Èll, woeë ouch de prieswinnaars bekindj waere gemaaktj.

De prieswinnaars van de jeugdoptocht waere dinsdigmiddig bekindj gemaaktj bie aetcafé de Prairie te Èll.