Senioren Bóntjemiddig

De senioremiddig vormtj eder jaor weer de aafsloeting van ein enerverendj weekend mèt allerlei humoristische sketches en tonieëlstökskes.

De senioremiddig weurtj geopendj door ‘t prinse- en jeugdprinsepaar mèt ‘t veurlaeze van heur proclamatie. Daonao vinje d’r diverse optraejes plaats veur en door seniore oet Èll en ómgaeving.
Diverse sketches, dansoptraejes, eine buutreedner en muzikale intermezzo’s waere allemaol aan ‘t publiek veurgesjótteldj. De Ellentaler Muzikanten zörge veur ein vrolikke noot en in de pauze is d’r gratis koffie en cake veur de aanwezige.

‘t Is altied eine erg gezellige middig woeë veul gelache weurtj en dae se as senior neet moogs misse!