80+ Middig

Eder jaor organiseertj de vastelaovesvereiniging eine carnavalsmiddig veur de minse van 80 jaor en aojer die in Èll woeëne.

Tiejes deze middig wille wae zoeëveul meugelik 80 plussers kennis laote make mèt de prins en zien gevolg en ouch de jeugdprinse en adjudante.
Zoeë laeze de prinsepare heur proclamatie veur en gaeve ze ein presentatie euver waat ze in ‘t dageliks laeve doon.

Daonaeve is d’r muziek en weurtj d’r veur ein hepke en ’n drenkske gezörgdj. ‘t Is eder jaor weer eine erg geslaagdje middig, woeëbie de aanwezige nao aafloup ‘ne heerlikke ‘knapkook’ mèt heives kriege.

80+

Ederein van 80 jaor en aojer en dae in Èll woeëntj, of dae eine lange tied in Èll heet gewoeëndj, weurtj hieveur oetgenuuedj.
Per breef weurtj ederein oeterlik 1 waek veurdet deze middig plaatsvintj oetgenuuedj. Mocht men neet op eige gelaegeheid kónne kómme den is dao de meugelikheid óm opgehooldj te waere.

80 Plussers die óm welke reje den ouch boete Èll woeëne waere in de regel neet oetgenuuedj.

De middig vintj plaats in de BMV Ellenhof van 14:00 oor tot 16:00 oor.