Dao gaon we weer!
Bèste Moerebuuk,
Noa ‘t succes van veurig jaor is d’r auch dit seizoen weer ‘ne Èller leedjesaovendj! Op 2 januari, veuraafgaondj aan ’t prinsebal kónne wae weer genete van noewe leedjes van eige bodem.
Zörg des se d’r bie bès. Of nog baeter, doot gezellig mèt! ‘n Origineel melodie is fantastisch, mer ‘ne cover is ouch herstikke sjiek! En twiefels se euver dien zangtalente? ’t Hooftj neet live! De meugelikheid is d’r óm van te veure dien leedje op te numme.
Pak dich bie ein mèt vrinj, familie of allein en doot gezellig mèt. Want d’r is niks zoeë sjoeën as ‘ne vastelaovendj mèt Èller leedjes!
Opgaeve kan via de mail: leedjes@moerebuuk.nl
Tot 2 januari!
