PRINS STEEF I & PRINSES CAROLIEN

Ich Prins Steef I, 61e prins vanne Moerebuuk, gebore en getoge in Ell,

Zoon van Jo vanne Sjilder en Ger van Mao. Kleinzoon van ein van de oprichters van ós sjoeën vastelaovesvereiniging: Harrie Maessen.

Al 2,5 jaor gelökkig mèt mien prinses Carolien, ouch ein gebore en getoge Èllermaedje.

Inne kost bie twieë gezinne in Èll, ein aan de Swartbrookstraot en 't anger aan de Hoeëgstraot.

Dus ouch bewoeëner van 't Meuleveldj1 en de Driehook.

Biegestaon door 6 fantastische minse, mien adjudante Geert, Jeroen en Mark en heur dames Chrissy, Martine en Eva.

In 't dageliks laeve maak ich de jeugd van Panningen en ómgaeving get wies op 't gebied van ós Nederlandse taal.

Dit doon ich op 't Bouwens in Panningen.

Sinds jaor en daag 'actief' (of jeh actief??) bie 't 1e van RKESV.

Daonaeve goeëj ich gaer 'ne piel mèt bie de Dartclub DC9.

Neet vies van 'ne dikke pot beer in ein van ós sjoeën Èller café's.

Ich wins uch allemaol, groeët en klein, jónk en aod, eine vastelaovendj woeë det wae d'r allemaol döbbel zoeë hel tege-aan zulle gaon.

 Ich verklaor bie de gratie van Groeëtvorst Jan, Vorst Henri en de Raod van Elf 't volgendje:

 Det ich same mèt mien Prinses Carolien, mien adjudante Geert, Jeroen en Mark en heur dames Chrissy, Martine en Eva mich döbbel gaef en veurop zal loupe tiejes deze vastelaovendj.

Det wae dit neet allein doon mer same mèt de hieële Raod van Elf, jeugdprins Coen en –prinses Janne en de jeugdraod.

Det ós Harm as groeëte broor bie deze aevegood de verantjwoordelikheid kriegtj óm deze hiele vastelaovendj op zien klein breurkes te lètte.

Det de prutsers nog precies eine maondj höbbe óm 'ne wage inein te knutsele en det FVdeFV mer 'ns begintj bie de klein groepe óm ervaring op te doon.

Det wae vanaaf noe tot Aswoonsdig samen mèt uch döbbel gaas gaon gaeve.

Det wae dit 't leefste zoeëje doon ónger begeleiding van ós sjoeën Eller kapellen: De Ellenthaler en de Kaolderband.

Det ich de hieële vastelaovendj euver de voetballers zal wake, zoeëdet die sunjes aevegood fit ane aaftrap zulle versjiene.

Det ós ganse families zich net as ós aansloete bie de polonaise en det ós pap van bove-oet ein uigske in 't zeil hèltj.

Det ich mèt dees daag zal regere inne

Orde van De Verdöbbelieër

En dit alles ónger mien motto:

    Weem is weem, det is mèt dees daag óm 't aeve,

want deze vastelaovendj gaon wae ós allemaol döbbel gaeve