Ich bèn Jeugdprins Koen de ieërste,
zoon van Chris en Petra Breukers, en good in fieëste.
‘t Zal pap en mam zeker gaon bevalle,
nao deze vastelaovendj kan ich keigood plat kalle.

17 februari 2013 is de daag det ich gebore bèn,
noe nog ein bietje gruje zoeëdet ich baeter bie de pedale kan.
Same mèt mien zusje Janne is ‘t altied gezellig in hoes,
Jao, de boorderie aan de Hoeëgstraot, des echt mien thoes.

Míen hobbies zeen voetbal, skieje en muziek,
mer mèt dees daag veurop door ‘t Moeërelandj, det is pas sjiek.
Bie òs tege-euver woeëntj Tren, dao gaon ich veul mèt crosse
mer mèt dees daag zal d’r as miene adjudant keihel mèthosse.

Live blaosmuziek huuertj d’rbie mèt mich as Prins,
later zelf mètspeule bie de kapel is miene groeëte wins.
Opa en pap ginge mich al veur ónger ‘t motto van èrpel, bolle en graan,
mer hey, hey, hey….dit jaor loup ích mèt die moeër veuraan!

Ich, jeugdprinses Miek, bèn de aodste telg van Ruud van Hover en Ilse Coolen.
Pap is aod jeugdprins van de Moerebuuk en Mam kumtj oet Rooj dus ich kal van hale in plaats van hoole.
Mien breurke is Gijs, woeë ich neet mèt én neet zónger kan,
Same kuite en lache. Dao krieg ich gooj zin van.

Op 13 juni 2013 bèn ich in ‘t zekehoes in Wieërt gebore,
as 3e kleintje van 7g&1p, mer det zeen d’r inmiddels 24 gewore.
Danse, tennisse en voetballe vinj ich kei sjiek.
Mer ‘t allerleefst veer ich vastelaovendj mèt eine sjoeëne kliek.

In de optocht mèt ‘7g&1p, ‘de Hoverkes’ en ‘de kletskouse’ begos
Mer veurig joar mèt ‘vv Biejein geraaptj’ ginge wae écht hieëlemaol los.
Det Lena mien adjudant zooj gaon waere, det wist ich al lang
Wae gaon same volle gaas fieëste, maaktj uch mer neet bang.

In de orde van ‘t ‘pirkske’ en ‘’t trekterke’ ginge pap en opa destieds veurop
Mer noe zitte wae ‘t Moeërelandj op ziene kop.

Mèt de vastelaovesgene zitj ‘t dus waal good, want wae höbbe allebei écht moeëreblood.
Prinse ervaring zuus se bie ós geliek, ós families zeen vanaaf vandaag 3 generaties aan Prinse riek.
Van ‘t Meuleveldj tot aan de Fuus, wèts se deze vastelaovendj echt neet waat se zuus!
Daoróm regere wae deze carnaval, in de orde van ‘t Prinsebal!

En det allemaol ónger ós motto:

“Drie daag fieëste, wae vlege hieëlemaol oet de bocht, van vastelaovendj kriege wae noeëts genógt, ALAAF!