Bèste Moerebuuk,

Zoeëas al aangegaeve, wille wae uch róndj deze tied informere euver de invulling en activiteite van ‘t Vastelaovesseizoen 2020/2021.

Wae höbbe as vereiniging ‘t besloeët genómme óm veur ‘t kómmendje seizoen gein officiële activiteite te organisere.
Det dit ós as Vastelaovesveerders völ pien duit moog dudelik zeen. Helaas is ‘t gezeen de huidige situatie en de dao aan verbónje maatregele, echter neet meugelik óm de activiteite op de juuste maneer te organisere en same Vastelaovendj te vere zoeëas wae det in Èll gewindj zeen. Daobie vinje wae de gezondjheid van alle Moerebuuk erg belangriek.

Dit besloet hèltj ouch in det wae dit jaor jaomer genóg geine noewe prins/prinsepare oet zulle rope ómdet wae ze gein waardig seizoen kinne beje.

Wae weite neet wie ein en anger zich zal ontwikkele, mer wae zulle in de loup van ‘t seizoen bekieke of wae toch op ein passendje maneer aandacht kinne gaeve aan de Vastelaovendj.

Mocht gae nog vraoge of suggesties höbbe, den kindj gae contact mèt ós opnömme via info@moerebuuk.nl.

Mèt Vastelaoves groet,

Bestuur CV De Moerebuuk|
Ell