Bèste Moerebuuk,

Waarsjienlik zeet gae d’r in deze tied nog neet mèt bezig, mer wae wille uch toch efkes laote wete wie de Èller Vastelaoves vlag d’r op dit moment bie hingtj.

Gezeen de huidige omstandinghede is ’t nog ondudelik waat waal en neet meugelijk zal zeen en waat det veur consequenties zal höbbe veur ’t kómmendje Vastelaoves seizoeën. Wae as bestuur zeen in euverlèg mèt ein aantal comités en höbbe ouch contact gehadj mèt ein aantal zustervereniginge in ómliggendje dörpe.

begin September ein definitief besloeët

Wae wille op dit moment nog gein definitieve beslissing nömme euver de invulling en activiteite van ‘t seizoen 2020/2021, mer waat wae waal al beslote höbbe is det ‘t ELLAAF dit jaor neet door zal gaon. Wae verwachte begin September ein definitief besloeët te nömme euver de rest en zulle uch daoeuver uiteraard zoeë snel meugelik informere.

Veur noe: Blieftj gezondj!

Mèt Vastelaoves groet,
Bestuur CV De Moerebuuk