Dit jaor is ’t stil in Èll … Geine noewe prins, geine vastelaovendj en geine Bóntje Aovendj……… ’t BAC heet, wie de pandemie zich óntvaojdje, neet stil gezaete. Vrie snel waas ’t idee gebore óm ‘nne Digitale Bóntje Aovendj (DBA) te gaon realisere mèt stökskes oet de aoj doeës.
Videobenj, DVD’s en eine houp losse fragmente zeen bekeke door ’t BAC. Oeteindelik heet det gehieël geleidj tot eine prachtige Digitale Bóntje Aovendj. Noesjieërig gewore …?
“Eine digitale aovendj veur ein klein bedraag mèt hieël veul show woeëdet zelfs de kabouters oet ’t Èllerbos jaloers op zeen. ‘n Huuerspel? ‘nne Breakdance? Of zelfs koorddanse? Weem zal ’t zègge … Maak d’r eine gezellige (coronaproof) aovendj van en laotj uch verasse!!
Via de óngerstaondje knóp is ’t meugelik óm uch aan te meldje en op die maneer de link te óntvange in eure mailbox.
Lètj waal op, de link is gekoppeldj aan eur opgegaeve e-mail adres en is uiteraard neet door te steure.
(Lètj op: dit betreftj ein LIVE oetzenjing en startj exact óm 19:00 uur!)
Op dees maneer wiltj ’t BAC de Èller Bóntje Aovendj neet zoeëmer veurbie laote gaon.