Bèste Moerebuuk,
Nao 2 seizoene mèt behuuerlik get beperkinge, hope wae dèt wae ‘t kómmendje jaor weer ins fatsoenlik Vastelaoves kónne vere in Èll. Wae gaon d’r op dit moment vanoet det wae ein zoeë good as volwaardig seizoen kónne dreie, mèt eine noewe Prins en noew Jeugd Prinsepaar. De versjillendje comitees zeen al volop bezig óm d’r ein sjoeën seizoen van te make.
’t prinsebal op zaoterdig
Toch is d’r ein belangriek verschil mèt veurgaondje jaore. ’t Prinsebal zal dit seizoen neet op zunjig, mer op zaoterdigaovendj gehaoje waere, 7 januari. Dit is den ouch geliek de aaftrap van ’t noewe seizoen, ‘t ELLAAF kumtj dus ouch dit jaor te vervalle.
De JeugdBóntjeMiddig en ’t oetrope van ’t noewe Jeugd Prinsepaar blieftj gewuuen op zunjigmiddig staon, in dit geval dus op 8 januari.
Verdere informatie volgtj nog tzt, mer sjrieftj uch dees data alvast in eure agenda en haotj ouch ózze website en Facebook pagina inne gate.
Mèt Vastelaoves groet,
Bestuur CV De Moerebuuk